पुढारी वृत्तसेवा
का म्हणतात 'आंबेहळद'?
या हळदीला कच्च्या आंब्यासारखा (कैरीसारखा) सुवास येतो, म्हणून हिला 'आंबेहळद' म्हणतात. ही हळद सामान्य हळदीसारखी मसाल्यात वापरली जात नाही. उपयोग जाणून घ्या.
रक्त साकळल्यास : आंबेहळद उगाळून गरम करून लावली असता, रक्त मोकळे होऊन सूज व वेदना कमी होतात.
मुकामार, लचक : आंबेहळद, साजीखार, मैदा लकडी यांचा एकत्र वाटून लेप करावा.
कृमी विकार : आंबेहळद, सैंधव एकत्र वाटून लहान मात्रेत देऊन वर गरम पाणी पिण्यास देतात.
गाठ : गाठीवर आंबेहळद उगाळून लेप केल्यास गाठ बसते.
मुकामार व सूज : आंबेहळद, रक्तचंदन, कोरफड गीर, अर्जुनसादडा व मुलतानी माती यांचा एकत्र स्खल करून लेप करावा.
जखम भरून येण्यास : आंबेहळद, जेष्ठमध, अर्जुनसादडा, पपया, कडुनिंबाची पाने यांचा एकत्र वाटून जखमेवर लेप करावा.
मार लागून सूज, ठणका, संधिवाताची सूज, गाठी: नुसती आंबेहाळद दाट उगाळून गरम करून लेप करावा.
ठेच, आघात : आंबेहळद व हिराबोळ (कोरफडीचा सुकविलेला गर) उगाळून गरम करून लेप करावा.
खाज, त्वचा उजळण्यास व त्वचेवरील बारीक लव निघण्यास : आंबेहळद उगाळून लेप करावा.
पुरळ : आंबेहळद, कडू जिरे गोमूत्रात वाटून लेप करावा.