कोल्हापूर : पश्चिम महाराष्ट्रातील हजारो पर्यटनप्रेमींना दरवर्षी प्रतीक्षा असलेले दैनिक ‘पुढारी’ आयोजित आणि ‘गगन टुर्स’ प्रस्तुत, ‘टूर्स अँड ट्रॅव्हल्स एक्झिबिशन’ 2025 पॉवर्ड बाय ‘अ हेवन हॉलिडेज’ अवघ्या चार दिवसांवर आले आहे. पर्यटनाचा हा भव्य सोहळा येत्या शनिवारपासून (दि. 2) कोल्हापूरकरांच्या भेटीला येत आहे. बेळगावमध्ये नुकत्याच मिळालेल्या उत्स्फूर्त प्रतिसादानंतर आता कोल्हापूर आणि सांगलीमध्ये पर्यटनाच्या नव्या हंगामाची जय्यत तयारी सुरू झाली असून एकाच छताखाली देश-विदेशातील सहलींचे नियोजन करण्याची सुवर्णसंधी कोल्हापूरकरांना मिळणार आहे.
हे प्रदर्शन म्हणजे केवळ एक इव्हेंट नसून, पर्यटनाच्या दुनियेतील एक महाउत्सव आहे. येथे विविध टूर पॅकेजेस, पर्यटन व्यवसायातील नवनवीन ट्रेंडस् व आपल्या स्वप्नातील सुट्टीचे अचूक नियोजन करण्याची अनोखी संधी उपलब्ध होणार आहे. हे प्रदर्शन ग्राहकांसाठी एकाच ठिकाणी माहिती आणि संधींचा खजिना घेऊन आले आहे. येथे तज्ज्ञांशी थेट संवाद साधून आपल्या आवडीनुसार आणि बजेटनुसार सहल ‘कस्टमाईज’ करून घेण्याची सोय हे या प्रदर्शनाचे मुख्य वैशिष्ट्य आहे.
विविध पर्याय : हिमाचलच्या बर्फाळ डोंगररांगांपासून ते केरळच्या शांत बॅकवॉटर्सपर्यंत आणि युरोपच्या ऐतिहासिक शहरांपासून ते दुबईच्या आधुनिक वैभवापर्यंतचे असंख्य पर्याय. सर्व प्रकारच्या सहली : कौटुंबिक सहली, हनिमून पॅकेजेस, साहसी पर्यटन, बजेट टूर्स आणि ज्येष्ठ नागरिकांसाठी विशेष यात्रांची सविस्तर माहिती.
आकर्षक सवलती : केवळ प्रदर्शनासाठी असलेल्या खास ऑफर्स आणि सवलतींचा लाभ घेऊन ग्राहक आपल्या सहलीच्या खर्चात बचत करू शकतात. टूर्स कंपन्यांसाठी हक्काचे व्यासपीठ हे प्रदर्शन केवळ ग्राहकांसाठीच नव्हे, तर पर्यटन व्यवसायातील कंपन्यांसाठीही एक मोठे आणि हक्काचे व्यासपीठ आहे. हजारो संभाव्य आणि उत्सुक ग्राहकांना थेट भेटून आपल्या टूर पॅकेजेसची वैशिष्ट्ये समजावून सांगण्याची संधी कंपन्यांना मिळते. ग्राहकांशी होणारा थेट संवाद अधिक प्रभावी ठरतो, ज्यामुळे कंपन्यांना वर्षभर ग्राहक मिळण्यास मदत होते. आपल्या खास ऑफर्स थेट ग्राहकांपर्यंत पोहोचवून जागेवरच बुकिंग करण्यासाठी हे प्रदर्शन एक उत्तम माध्यम ठरणार आहे.
दैनिक ‘पुढारी’चे हे प्रदर्शन ग्राहक आणि व्यावसायिक या दोघांसाठीही एक ‘विन-विन’ सिच्युएशन ठरणार असून बेळगावमधील यशानंतर आता कोल्हापूर आणि सांगलीतील पर्यटनप्रेमी या महासोहळ्याची आतुरतेने वाट पाहात आहेत.
अधिक माहितीसाठी आणि स्टॉल बुकिंगसाठी संपर्क - कोल्हापूर : 8805021253, सांगली : 8805007148.
कोल्हापूर : दिनांक 2, 3, 4 ऑगस्ट. वेळ : सकाळी 10 ते रात्री 8. स्थळ : डॉ. व्ही. टी. पाटील स्मृती भवन, राजारामपुरी, कोल्हापूर.
सांगली : दिनांक 8, 9, 10 ऑगस्ट. वेळ : सकाळी 10 ते रात्री 8. स्थळ : कच्छी जैन भवन, सांगली-मिरज रोड, सांगली.