देवरुख पुढारी वृत्तसेवा:
महिलेचा विनयभंग करून धक्काबुक्की करणाऱ्या आणि कोणाला सांगितलेस तर ठार मारण्याची धमकी देणाऱ्या संगमेश्वर तालुक्यातील धामणी येथील युवकाला देवरुख न्यायालयाने ३ वर्षाच्या कारावासाची शिक्षा सुनावली आहे. धामणी सोनारवाडी येथील सतीश विठोबा चव्हाण (वय ३० वर्ष) असे आरोपीचे नाव आहे.
सदर युवकाने सन २०२१ मध्ये आंबेड येथील महिलेचा विनयभंग करीत धक्काबुक्की केली होती. तसेच ठार मारण्याची धमकी दिली होती. याबाबत संगमेश्वर पोलीस ठाण्यात आरोपी धिरोधात गुन्हा दाखल झाला होता. सदर प्रकरणी संगमेश्वर पोलीस ठाण्याच्या पोलीस निरीक्षक स्मिता सुतार तसेच पोलीस हवालदार संतोष झापडेकर, पोलीस हवालदार एस एस कामेरकर यांनी महत्वाचा तपास केला.
या प्रकरणाची सुनावणी झाली असता आरोपी सतीश विठोबा चव्हाण याला न्यायालयाने मंगळवारी गुन्ह्या प्रकरणी तीन वर्षे कारावासाची शिक्षा सुनावली आहे.