Sun, Jul 05, 2020 12:02



होमपेज › Nashik › नंदुरबार : सहा वर्षीय चिमुकलीची कोरोनावर मात

नंदुरबार : सहा वर्षीय चिमुकलीची कोरोनावर मात

Last Updated: Jun 01 2020 5:02PM




नंदुरबार : पुढारी वृत्तसेवा 

जिल्हा रुग्णालयात उपचार घेत असलेल्या ६ वर्षाच्या चिमुकलीसह ६६ वर्षीय वयोवृद्धाने कोरोनावर मात केली आहे. या दोघांसह एकूण ९ रुग्ण संसर्गमुक्त झाल्याने घरी पाठविण्यात आले. यावेळी जिल्हा शल्यचिकित्सक डॉ. आर.डी. भोये, डॉ. के.डी. सातपुते सह जिल्हा रुग्णालयातील कर्मचारी उपस्थित होते. यावेळी डॉ. भोये यांनी कोरोना रुग्णांना पुष्पगुच्छ देवून त्यांचे स्वागत केले. कोविड संसर्गमुक्त झालेल्या रुग्णात रजाळे येथील चिमुकलीसह २८ वर्षीय व ५५ वर्षीय महिलांचा तसेच ३१, ३५ आणि ६६ वर्षे वयाच्या पुरुषांचा समावेश आहे.

मालेगावात आणखी पाच नवे कोरोना पॉझिटिव्ह

शिंदखेडा तालुक्यातील ३५ वर्षीय पुरुष रुग्ण आणि जिल्हा रुग्णालयातील २ कर्मचारीदेखील संसर्गमुक्त झाले आहेत. जिल्ह्यात उपचारानंतर संसर्गमुक्त झालेल्या रुग्णांची संख्या २८ असुन  ३ रुग्णांवर जिल्हा रुग्णालयात उपचार सुरु आहे. अन्य ३ कोरोना बाधितांचा यापूर्वीच मृत्यू झाला आहे. कोरोना हा उपचारांती या रोग बरा होत असल्याने नागरिकांनी आजाराची लक्षणे आढळल्यास त्वरीत जिल्हा रुग्णालयात तपासणी करुन घ्यावी, असे आवाहन जिल्हा प्रशासनातर्फे करण्यात आले आहे.